Џајковски, Северина, Иви Адаму се само дел од музичките ѕвезди кои ќе настапат на отворањето на Мега Шопинг Парк во Гевгелија, а кое ќе трае четири дена.
Утре вечер (четврток) е првата вечер, а ќе ја отвори Тамара Тодевска. Концертот на Тамара е закажан за 20.30 часот, а ќе трае до 22 часот. По неа ќе настапи грчката ѕвезда Иви Адаму, а нејзиниот концерт ќе трае до полноќ.
Вториот ден прославата ќе започне во 11 часот со програми за деца. Во 11 часот ќе има парада на маскоти, потоа следува face painting, па Стела и Сани и тркало на среќата, со кое завршува детската програма. В петок од 12 часот планирано е официјалното отварање на Мега Шопинг Парк, на кое се очекува да присуствува и премиерот Христијан Мицкоски. Вечерта е резервирана за диџеј Никифор, кој ќе настапи од 20 часот, а потоа следува концерт на македонската ѕвезда Кирил Џајковски.
В сабота, пак, децата од 11 часот ќе се радуваат со парада на маскоти, face painting, ќе ги пеат песничките на Интернационалниот детски музички фестивал „Калинка“, ќе уживаат во детската претстава Super music talent show, а по тркало на среќата настап ќе има школата за тапани-Пионерски дом. Вечерта возрасните ќе уживаат во настап на Жаре Бербер, кој ќе започне во 20.30 часот, а од 22 часот е настапот на хрватската ѕвезда Северина.
Славењето завршува в недела повторно со програма за деца. Од 11 часот парада на маскоти, потоа следува face painting, настап на 5+ фамилија и на крајот тркало на среќата. Вечерта е резервирана за Пајак, чиј концерт почнува во 19 часот, потоа следува настап на гевгелиската група „Зијан“ и на крајот е концертот на Слаткаристика.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
