Францускиот амбасадор Кристијан Тимоние беше во посета на општините Ново Село и Струмица каде оствари средби со градоначалниците Никола Андонов Коста Јаневски. Во Ново Село амбасадорот откако ги посети вработените полицајци и цариници на ГП Ново село, се интересираше за потенцијалите на ова општина и можноста да се воспостави соработка во областа на агросекторот. Градоначалникот Никола Андонов ги презентираше природните убавини и ресурсите кои ги поседува ова локална самоуправа а станало збор и за потребите на ова општина.
,, Разговаравме за потребите на нашата локална самоуправа во делот на водоснабдувањето и изградба на канализациони системи речиси како и сите други општини. Има надеж ако добиеме датум за преговори за ЕУ, Франција како држава ќе отвори фондови за нас пограничните но и други општини,, истакна градоначалникот на Ново Село Никола Андонов
Амбасадорот Кристијан Тимоние беше и во Струмица каде се сретна со градоначалникот Коста Јаневски, претседателот на Советот Марјан Даскаловски и секретарот на општината Александар Оџаков
,,Освен за односот на двете држави кој што беше оценет како пријателски со заеднички желби за унапредување на напредокот кој што Република Северна Македонија го покажа во последните три години, разговаравме и за реализација на општински проекти преку француската Агенција за развој од областа на животната средина, урбанизмот и образованието,, напиша на ФБ фан страна градоначалникот Јаневски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
