Фатени нови дрвокрадци во Радовишко, запленети 4 запрежни коли и околу 12 кубика дабово дрво

3887

Не прекинува дрвокрадството во радовишко. Изминатиот викенд во време на полициски час повторно откриени и фатени лица кои вршеле нелегална сеча на огревно дрво од планината Плачковица. Дури осум  запрежни коли се фатени како симнуваат буково дрво кои биле бесправно сечени. Димче  Анастасов од   радовишкото шумско стопанство вели дека сите ресурси им се насочени да се стопира  уништувањето на шумскиот фонд

,,Во последната координирана акција во саботата вечер на шумочуварската служба при Национални шуми Радовиш, шумската полиција и припадници од Полициската станица Радовиш откриени се 8 запрежни возила при што се запленети 4 запрежни возила а одземени се сите бесправно исечени дрва,, информираше директорот ЈП Национални шуми од Радовиш – Димче Анастасов кој најави дека контролите ќе продолжат во интерес на заштитата на животната средина и зачувување на шумскиот фонд

Дека имало коориднирана акција на надлежните за сузбивање на дрвокрадството во радовишко потврдија и од струмичката полиција. Од таму  информираа дека  биле запленети околу 12 метри кубни огревно дрво. Против сторителите ќе следуваат пријави

,,На 25.04 околу 19,30 часот, на местото викано ,,Димирчеви ниви’’ при координирана акција биле пронајдени 4 запрежни возила натоварени со по 1,3 метар кубен дабови огревни дра а во близина се пронајдении уште 5,30 кубни метри бесправно исечени дрва. Запрежните возила и дрвата се пренесени во круогт на ЈП Национални шуми Радовиш. По целосно расчистување на случајот ќе бидат поднесени соодветни пријави,,  информираа од полицијата

Градоначалникот на Радовиш Герасим Конзулов изминатата недела постојано  бараше активни конроли на терен со оглед дека немилосрдно се уништува шусмкото богатство над Радовиш каде се наоѓаат и изворите за водоснабдување на градот. Тој најави и контроли по семејните дворови со склаидрани дрва за да се утврди дали се набавени по легален пат

фото – архива

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.