РК ,,Астраион“ од Струмица одбележа 5 години постоење на македонската ракометна сцена. Со роденденска торта во клупските бои, беа изненадени ракометарите, стручниот штаб и дел од управата на утринскиот тренинг на сениорите, кои веќе интензивно се подготвуваат за суперлигашкото натпреварување. Станува збор за еден од помладите струмички но и ракометни клубови во земјава, кои за кус временски период од ракометна школа стасаа до елитното ракометно натпреварување во земјава.
Пред 5 години почнаа како школа за ракомет за да градат млади квалитетни ракометари, оти Струмица имаше таленти но немаше клуб. Тргнаа ненаметливо но професионално со многу посветеност и работа со струмичките деца кои покажаа афинитети кон ракометот како спорт. Набргу стартуваа и со натпреварувачкиот дел каде се покажаа како вистински потенцијал и освежување во младинските ракометни погони во земјава за што сведовачт и резултатите.
Сето тоа ги мотивираше челните луѓе во РК ,,Астраион’’ од Струмица да се вложат уште повеќе, што пак го забележаа големи ракометни клубови кои пикираа и направија трансфер на струмички деца во своите редови. Набргу струмичани пријавија екипа и во Првата ракометна лига каде за две сезони стаса и до Супер лигата.
Ретко кој веруваше дека струмички ,,Астраион’’ ќе стане респектабилен клуб со екипи за кои тврдат дека секогаш од втор план знаат да изненадат. Планот за ова година им е опстанок во елитата, и стекнување искуство како на играчите така и на управата но сепак нема фокус ќе им бидат младите за да се градат домашни ракометари и со струмички деца да се гради една нова страница во струмичкиот и македонскиот ракомет
,,Астраион постои само 5 години, но тоа не ни дава за право да се опуштиме. Напротив ни дава уште поголема мотивација за работа посебно со младите категории. Може да ветиме дека играчите ќе ,,гинат’’ на терен за боите на Астраион и Струмица а ако се укаже најмала шанса да направиме изненадување. Во секој случај драго ни е што во Струмица ќе се игра врвен ракомет,, кажааа од РК Астраион од Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
