Наредниот период се очекува да бидат поставени летниковци со урбана опрема и мултифункционална спортска справа на месноста викана „Честе Јавори“ кај Богданци. Струмичката фирма Пешо инженеринг треба да ја постави откако минатиот месец го склучи договорот со Општина Богданци добивајки го тендерот во висина од околу 22 илјада евра со вклучен ДДВ. Тие беа единствената фирма што се јави на распишаната јавна набавка на општината.
Според потпишаниот договор на локалитетот „Честе Јавори“ треба да бидат поставени три летниковци на позиции кои ќе ги прецизира општината. Летниковците треба да бидат со маса и клупи за седење и истите треба да бидат изработени од дрво со цел да се вклопат во амбиентот.
Паралелно се планира поставување и на една мултифункционална фитенс справа односно композиција за вежбање која би ја користеле лица над 12 години. Истата ќе биде на површина од 38 квадратни метри каде справите ке бидат од челик и дрво.
Работите треба да се завршат во рок од 3 месеци од денот на воведување на фирмата изведувач во работа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
