Вкупно десет настани се планирани на програмата на Струмица Опен Фест за месец Јули. Според истата на струмичани и посетителите ќе биде понудено од вечери на поезија и афоризми, преку улични фестивали, игранки, проекции на филмови до ликовни работилници а пред се многу забава. Настаните почнуваат на 8 јули со трката на келнери на струмичкиот плоштад со бендот Аларм. На 15 јули на езерцето во градскиот парк во Струмица, вечер на поезија со Владимир Мартиновски со звуците на гитара од Горан Алиќ а на 17 јули на истата локација вечер на афоризми.
Јулската програма на СОФ 2019 продолжува на 19 јули со уличниот фестивал на електронска музика кај Кафе 19, Концепт и Голд а ден потоа во дворот на гимназијата ќе има натпревар во друштвени игри шах, рубикови коцки и сложувалки. Истата вечер пак пред НЦУК Антон Панов здружението на лица со телесен инвалидитет ќе ги одржат музичките средби.На 21 јули на леблеџиската улица летна ингранка со RCHP TRIBUTE
Следната вечер на езерцето во градскиот парк ќе има вечер на анимирани филмови за да на 23 јули повторно на езерцето пред струмичани на отворено ќе биде прикажан филмот ГОСПОД ПОСТОИ, ИМЕТО И Е ПЕТРУНИЈА . Јулската програма на СОФ 2019 завршува на 29 јули со летната ликовна работилница пред библиотеката Благој Јанков Мучето во Струмица.
СОФ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
