Прволигашкиот ракометен шампионат на Македонија не стартуваше викендов. Прволигашите како што и најавија нема да го почнат првенството се додека не ги добијат ветените ваучери како и сите други клубови. Клубовите до РФМ доставија известување дека нема да се натпреваруваат во ниту една конкуренција бидејки како клубови со младински погони кои го негуваат ракометот во помалите средини, заслужуваат да добијат ваучери со кои би си го олесниле финансиските потешкотии
„ Клубовите го замрзнуваат натпреварувањето во Првата Македонска ракометна лига, како и во лигите во младински категории во организација на РФМ, сè до моментот на целосно разрешување на проблемот со доделувањето на ваучерот. Вината за новонастаната ситуација лежи исклучиво кај оние кои не ги исполнија обврските преземени на состанокот одржан во просториите на Агенцијата за Млади и спорт во присуство и на Претседателот на РФМ со што ги прекршија дадените ветувања за навремено доделување на ваучерите“, стои во соопштението на клубовите од Првата лига
Од Југоистокот во Првата ракометна лига свое учество пријавија Астраион од Струмица, Младост 09 и Младост од Богданци но и Партизан од Гевгелија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
