ЈП Плаваја од Радовиш реализираше еколошка акција за собирање на отпадот од планината Плачковица. Првично акцијата беше предвидена за собирање на комуналниот отпад од викендиците вдолж асфалтниот пат но на истата се пиклучија повеќе граѓани и организации од Радовиш поборници за здрава животна средина, со што таа се прошири и на локациите кај Мото клуб Џинка, Планинарски дом Бел камен и шумската кукичка од каде се собираше расфрелениот отпад од несовесни граѓани.
,,Не радува фактот што кон нашата акција се пиклучија самоиницијативно и граѓани кои го собираа отпадот од Плачковица која за Радовиш е извор за чист воздух и чиста вода. Првичната идеја ни беше да го собереме отпадот кој беше изнесен пред викендиците откако упативме апел до сопствениците. Но откако на нашата акција се приклучија и граѓани истата ја проширивме. Собравме околу 16 кубика разновиден отпад,, ни изјави директорот на ЈП Плаваја Дејан Крстев кој упати благодарност до сите сопственици на викендици кои отпадот го имаа соодветно складирано и оставено на место достапно за специјалното возило.
Со специјалното возило целиот отпад беше префрлен до депонијата со надеж дека овие локалитети на Плачковица нема во иднина да бидат загадувани со разновиден отпад. Директорот Крстев информираше дека на тој потег се поставени и два метални контејнери каде сите граѓани ќе може да го оставаат отпадот а во наредниот период ќе бидат поставени и други за да може Плаваја со специјалното возило да го транспортира до потребната локација
,, Вакви акции планираме и во иднина. Веќе однесовме два метални контејнери каде ќе може да се складира отпадот а ќе бидат поставени и други. Нашата цел е да ја подигнеме еколошката свест и да не загадуваме. Плачковица е гордост на радовишани и самите ние како граѓани треба да се грижиме за неа,, подвлече директорот на ЈП Плаваја од Радовиш Дејан Крстев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
