За период од две години земјоделците од валандовскиот регион ќе добијат нов систем за наводнување на своите земјоделски површини. Кај Јосифово почнаа работите за изградба на примарната и секундарна мрежа од системот ,,Јужновардарска долина” втора фаза, со кој ќе се овозможи наводнување на околу 2040 хектри хектари обработливи површини. Како што кажа министерот за земјоделство во заминување Лупчо Николовски ќе биде изграден 9 километри главен канал, со што ќе се замени досегашниот отворен, потоа 85 километри секундарна и терцијална мрежа а ќе се реконструираат и 5 помпни станици во овој дел. Премиерот Заев со ова инвестиција пак очекува поконкурентно земјоделско производство.
,,Преку оваа инвестиција создаваме поволни услови земјоделското производство да биде поекономично, а земјоделците да имаат помали трошоци а поголеми приходи. Поради сегашниот дотраен систем за наводнување, земјоделците трпат загуби во производството, а со изградбата на новиот модерен систем се очекува драстично намалување на трошоците за вода. Со реализацијата на втората фаза од овој проект ќе се овозможи квалитетно наводнување на над 2.000 хектари земјоделски површини во валандовскиот регион, поточно во регионот на Јосифово и Пирава,, рече премиерот Заев
,,Системот за наводнување на јужната долина на реката Вардар втора фаза, се
состои од главна и секундарна мрежа со вкупна должина од 85 километри,односно замена на главниот отворен канал во затворен гравитациски канал на пупмната станица Удово и пумпната станицата Страиште во должина од околу 9 километри и дополнителна секундарна терцијална и дистрибутивна мрежа. Изградбата на новиот модернизиран систем за наводнување ќе придонесе за зголемување на обработливите наводнувани површини за производство на земјоделските култури кои се важни за овој регион,, кажа министерот Николовски.
Системот за наводнување ,,Јужновардарска долина” чини околу 24 милиони евра. Средствата се обебедени од Буџетот на државата но и од германската развојна Банка. Австриската Штрабаг ќе го гради овој систем кој треба да биде готов во март 2021
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
