Одбојкарите на Струмица 47&72 обезбедија финале и ќе играат против Вардар од Скопје за нова КУП титула. Во Кавадарци струмичани лесно и без поголеми проблеми славеа над тетовска Шкендија со 3:0 во сетови (25-18, 25-18, 25-12) и го отворија патот за осмиот КУП трофеј во својата историја.
Избраниците на Кире Ричлиев ја оправдаа фаворитската улога. Во ниту еден момент не им дозволија на тетовчани да се надеваат на сет а камоли за нешто друго. Во првиот полуфинален дуел победа славеше Вардар над Универзитет Тетово. Струмица 47&72 и Вардар во недела играат за освојуање на КУПОТ.
Утре во Кавадарци се играат полуфиналните мечеви во женнска конкуренција. Прво играат девојките на Наковски Воле со Јанта Волеј Кисела вода додека Струмица Жени ќе се соочи со Работнички Скопје
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
