Младите од населеното место Ињево општина Радовиш под мотото ,,Не биди ѓубре,, го чистеа селото од отпад фрлен од несовесни граѓани. На тој начин тие се вклучија во граѓанските иницијативи за почиста животна средина но и за подигнување на еколошката свест кај граѓаните. Младите го собраа ѓубрето по селските улици, ги исчистија јавните зелени површини од разновиден отпад а го средија и детското игралиште кое наликуваше на мини депонија.
Акцијата на младите од Ињево кои посакаа чиста и здрава животна средина, доби подршка и од ЈП ,,Плаваја’’ и ТППЕ од Радовиш. Тие помогнаа во транспортот на отпадот а се миеа и исчистените улици. Младите од Ињево кажаа дека акцијата ќе има свое продолжение бидејки секој заслужува живот во чиста средина
,, Сакаме да дадеме свој придонес во граѓанските иницијативи за почисти локални заедници. Ова е наша младинска иницијатива и ќе чистиме уште еден ден. Мора да дадеме пример на остантите дека за животната средина треба контуинирано да се грижиме. Ова нека биде предизвик и за младите од останатите села и сите граѓани да го исчистат во најмала рака местото каде се наоѓа нивниот дом. На тој начин ќе упатиме силна порака дека сакаме чисти средина и здрав живот,, кажаа младите од Ињево
Градоначалникот на општина Радовиш Герасим Конзулов ја посети акцијата на младите од ова населено место . Тој им даде поддршка и потенцираше дека како општина дават подршка на вакви акции но и ќе применуваат казнени мерки против секој што ќе биде фатен или пријавен како ја загадува животната средина. Апелираше младите од Ињево да бидат пример и за сите од ова општина
Пред еден месец своја акција имаа и младите од населеното место Дедино кои собраа 20 вреќи отпад. Акцијата им беше во рамките на светскиот тренд ,,Прифати го предизвикот, исчисти локално!.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
