Герила акција против корупција. Во центарот на Струмица беше поставена кукла-робот која со секое притискање зборуваше за штетните последици од корупцијата но и како младите може да придонесат во борбата против овој општествен проблем. Голем број млади ја набљудуваа уникатнта и интерактивна инсталација која со звучници и сензори гласовно се активираше како и со притискање копче.
,,Преку едноставен, но впечатлив начин, сакавме куклата да ги едуцира граѓаните што претставува корупција – од мито и непотизам, до злоупотреба на јавни функции и политички притисоци. Ја пренесуваше пораката дека корупцијата го разградува системот, ја намалува довербата во институциите, ги демотивира младите и ги обесхрабрува граѓаните да се надеваат на правда и еднаквост,, соопштија од Организацијата на жени Струмица вклучени во проектот кој се реализира со поддршка на Германското сојузно миниситерство за надворешени работи во партнерство со Аналитика и ИГИ Гостивар
Инсталацијата е дело на уметникот Никола Писарев од Центарот за современи уметности – Скопје, кој со својата креативна експертиза придонесе за силниот визуелен и ангажирачки карактер на инсталацијата која беше поставена во Гостивар а од Струмица ќе се сели во Скопје
„Кога има корупција, јавните пари не одат за училишта, болници и подобар живот на сите нас, туку завршуваат во приватни џебови“, е една од пораките што ги слушаат посетителите. Герила акцијата има за цел преку уметност и иновативен пристап да поттикне јавна дебата и свест кај младите, но и пошироката заедница,,соопштија од Организацијата на жени од Струмица
Оваа активност е дел од проектот „Младите луѓе во С.Македонија: Клучна алка во градењето општество без корупција“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
