Утре на стадионот ,,Кукуш’’ во Турново, фудбалерите на ,,Академија Пандев’’ и ,,Беласица’’ ќе го одиграт четвртиот меѓусебен натпревар ова сезона во рамките на Првата фудбалска лига на Македонија. Натпреварот кој за Академијата ќе значи продолжување на доминацијата во струмичкиот фудбал и поход кон фудбалска Европа а за ,,Беласиц$$а обид да се спаси и да ги задржи шансите за опстанок во фудбалската елита почнува во 16 часот.
,, Играме на Кукуш во Турново. Кај нас на повреди се жалат Стојков, Дориев и Стоилов. Ќе сториме да заиграт утре против ,,Беласица’’ но повеќе ме загрижува повредата на голманот Чубраковиќ. Посебна е важноста од овој натпревар. Нам ни требаат бодови за осигурување на третото место кое води во Европа а на Беласица бодови за да фати приклучок за осмото место кое носи бараж. Ќе дадеме се од себе што е во наша моќ, да го добиеме овој натпревар иако знам дека ќе биде тешко. ,,Беласица’’ не е за потценување има искусни фудбалери кои ќе дадат се од себе за победа. Ќе одлучуваат нијанси и се надевам на квалитетен фудбал за сите посетители на стадионот Кукуш,, ни изјави тренерот на пандевци Југослав Тренчовски
,,Беласица’’ нема победа ниту пак гол во мрежата на Академијата во изминатите три меча. Таму на тренерската позиција ќе дебитира Ацо Стојанов откако Ѓоко Хаџиевски си замина од Беласица оти сфатил дека не може повеќе да помогне но и Раде Цицмиловиќ кој секогаш беше алтернатива за шеф на стручниот штаб на струмичките сино бели кои по пауза од 12 годин, ова сезона се вратија во Првата лига
,, Овој натпревар е од големо значење за нас и освен победа немаме друга опција. Сите фудбалери се во комбинација за натпреварот што посебно ме радува. Сите се желни да го одиграт градското дерби и во една ,,машка’’ борба пред се фудбалска да ги освоиме трите бода што за нас во моментов се многу многу важни. Имаме уште осум натпревари, но сигурно ова е еден од најважните натпревари за да останеме во трка за баражот и ќе направиме се да го добиеме. Или народски кажано одиме на победа оти друга алтернатива за нас нема,, ни изјави Ацо Стојанов новиот стратег на струмичките сино бели
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
