…..Летото се ќе е иста сликата, но ќе ни фалат легенди како тимо циката, нема ја и трафиката на васето тупало, за среќа жив и здрав е нацето мангало. Насабаале подава се с’нцето над куќата на маротци, и се ми се чине ќе претрча ването јамако со стотина овци, двете гурми на турската чешма пукат, и две-три стари гугутки оште гугуткат……
Ова се дел од стиховите во првата книга на Златко Михаилов од Вељуса кој е на времена работа во Австрија насловена како „Вељушки ветар“. која ќе ја промовира на ,,Турската чешма“ утревечер во ова населено место. Според авторот на ова локација дува најсилно ,, вељушкиот ветар“ при што ќе биде поставена и кутии за донации за црквата “Успение на Пресвета Богородица” во Вељуса. Како што тврди тој станува збор за збирка поезија во која се сместени за легенди, случувања и локации од Вељуса
,,Се работи за збирка поезија, песни кои се пишувани низ текот на целиот мој живот! Поделена е на пет поглавја, но скоро во сите творби може да се почувствува потребата од Господ, вербата која треба да не води и воопшто љубовта од опкружението и најмилите! Книгата има мисија, на читателот да му ја стопли душата, и да го гушне ближниот, се одделивме, ни треба внимание на сите!“, вели Михаилов за Дрнка.МК
Тој ги повика сите вљубеници на Вељуса но и пишаниот збор како и сите што потекнуваат од ов место утревечер да бидаат на ,,Турската чешма“ и заедно да направат културен настан на отворено при што повика и за донации за црквата “Успение на Пресвета Богородица” во Вељуса бидејки тврди дека ако подадете рака и пружите помош некому тогаш и Бог помага
,,Кај мене изворот и инспирацијата се јавуваат, а во одреден момент знаат и да мируваат! Мене лесно ми паѓа да пишувам, потешко ми е да се изборам со процедурите за финализирање, но среќа сретнав прекрасни луѓе, лектор, дизајнер и фотограф кои ги исполнија сите мои очекувања, бескрајно им благодарам,, вели Михаилов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
