Зелениот пазар и сточниот пазар во општинскиот центар Ново Село во периодот на епидемија со коронавирус во земјава нема да работат, објави општината. Како што наведуваат забраната е донесена поради прогласената вонредна состојба и во согласност со препораките на Влада на Република Северна Македонија, Министерството за здравство и Комисијата за заразни болести, се со цел да се спречи ширењето на коронавирусот Ковид-19 и да се заштити јавното здравје на сите граѓани.
„На пазарите се забранува какво било присуство на продавачи од секаков вид на стоки и услуги. Ова забрана важи се до повторно отворање на пазарот по завршување на вонредната ситуација за кое дополнително ќе биде известена јавноста“ стои во соопштението на Општина Ново Село каде пазарен ден беше четврток
Од ова општина известуваат дека мобилните тимови и понатаму се во функција кои може да излезат во пресрет на потребите на сите стари и изнемоштени лица и лица со попреченост во општината. Граѓани од наведените категории кои имаат потреба од набавка на потребните лекарства, прехрамбени продукти и средства за хигиена, со цел да не излегуваат надвор и да не остваруваат непосреден контакт со други лица, при што би се изложиле на опасност од заразување со коронавирусот Ковид-19, ќе можат да ги контактираат мобилните тимови во секое време од денот во текот на цела недела, за да ги направат потребните набавки за нив.
Телефони за контакт:
034 355 202
078 367 568
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
