Струмичката фирма Дикор ЦД ДООЕЛ го доби тендерот за реконструкција на улица ,,Крушевска Република,, откако општина Струмица пред повеќе од месец дена распиша јавна набавка за таа намена. Ова фирма достави најдобра цена на електронската аукција на која учествуваа вкупно 12 фирми како од струмичкиот регион така и од Скопје и Радовиш. Дикор ЦД целиот проект треба да го реализира за приближно 19 милиони денари или 308,5 илјади евра со ДДВ согласно Техничката спецификација што беше придружен документ на Јавната набавка која беше распишана во септември.
Инаку при електронската аукција односно надавањето од страна на економските оператори, цената падна за околу 7 милиони денари бидејки за реализација на овој проект Општина Струмица излезе со проценета вредност од околу 26 милиони денари со ДДВ.
Согласно потпишаниот договор, реконструкцијата на улицата на Крушевска република треба да се реализира во рок од една година додека плаќањето кон избраниот понудувач ќе биде од две буџетски години 2022 и 2023 стои во склучениот договор помеѓу Општина Струмица и фирмата Дикор ЦД која има доставено банкарска гаранција од 15 % од целокупната вредност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
