На иницијатива на граѓанското здружение ,,Changemakers4all” од Гевгелија вчера попладне на ,,Вардарски рид” се одржа еко акција и забава, каде самоиницијативно се приклучија околу 120 гевгеличани за да го вратат сјајот на овој познат локалитет. Тие ги засукаа ракавите и го чистеа своето омилено место но ги санираа и оштетените корпи и клупи и ги бојосааа, апелирајки дека ,,Вардарски рид” треба да се сака, почитува и чува бидејки тој е заштитен белег на Гевгелија.
,, Се надевам дека нашата порака ќе стаса до сите. Ме радува фактот што се приклучија многу млади кои си ја сакаaт својата средина каде живеат и растат. На акцијата се пrиклучија и многу граѓански организации, ученици, преставници од општината , комуналното . Сите дадоа свој придонес за ,,Вардарски рид,, ни изјави Марина Томова од здружението ,,Changemakers4all”
Присутните беа поделени во четири акции. Едни ги поправаа уништените клупи за одмор, вторите ги бојосаа со нови бои, трети ги средуваа корпите за отпад , четврти пак беа задолжени за собирање и сортирање на отпадот. Најактивни беа момците од групата Фантоми кои буквално работеа на сите позици
,, Мислам дека со акцијата упативме апел до сите , да не го чепкаат и уништуваат ,,Вардарски рид” оти ние го средивме и ние ќе го чуваме. Тој локалитет крие многу тајни, историја, место кое не врзува сите гевгеличани,, беше децидна Томова
На крајот имаше и еко забава за да се потсетат пристуните како беше за првомајските излети, игранките на Вардарски рид…
фото Гоце Тасевски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
