Парите во висина од 420 илјади евра кои останаа неискористени од изградбата на Пречистителната станица кај Гевгелија, ќе бидат наменети за затворање на старата депонија кај Сува река. Со овие средства се планира целосно расчистување на депонијата, изградба на потпорен ѕид и хортикултурно уредување односно изградба на јавна зелена површина.
Ова го најави градоначалникот на Гевгелија Сашо Поцков откако имал средба со донаторите инволиврани во изградбата на Пречистителната станица кои одлучиле остатокот од средствата да бидат искористени за дислокација на старата депонија и нејзино претварање во зелена површина бидејки паралелно во Гевгелија се работи на пристап и ставање во функција на времената депонија кај Ново Конско.
,, Со профункционирање на времената депонија, паралелно ќе се одвива и дислокацијата на старата депонија. Изготвен е елаборат а од страна на донаторит ќе биде распишан тендер за изградба на нов заштитен зид од северната страна на Сува река како и за покривање на комуналниот отпад за кој има интерес од одредени компании да го соберат во бали како енергенс или ќе биде транспортиран во времената депонија кај Ново Конско,, кажа градоначалникот Поцков
Инаку во општина Гевгелија почнаа изведбените работи за изградба на патот од крстосницата кај Ново Конско до Времената депонија што се наоѓа во непосредна близина која е изградена преку УНДП со доделениот јапонски грант од 1,1 милион евра. Патот треба да биде готов до крајот на ова а веќе првите месеци од следната година да се обезбеди водовод и осветлување по пат на сончеви колектори
фото ТВ Нова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
