Изминативе два дена како што информираше СВР Струмица регистрирани се два пожара и тоа во струмичко Просениково каде изгорела семејна куќа со складиран тутун а во гевгелиско Прдејци изгорела штала со сточна храна и телиња. Според полицијата направена е значителна матријална штета а причините за пожарите во двата објекта допрва ќе се утврдуваат.
Вчера во во полициска станица Струмица било пријавено дека настанал пожар во кровна конструкција од куќа, сопственост на Т.Ѓ. (60) во село Просениково, струмичко. Во пожарот целосно изгореле дрвена кровна конструкција на куќата, 250 чингели со тутун, а во просториите на куќата изгореле предмети од покуќнина, алат и лични документи. Пожарот бил изгаснат од страна на екипа на Територијалната противпожарна единица Струмица, соопшти СВр Струмица
Според СВР Струмица завчера вечер пак во Полициска станица Гевгелија било пријавено дека настанал пожар во штала сопственост на З.К. (50) во село Негорци, Гевгелија, во кој изгореле околу 3000 бали со житни и сточарски култури и 3 телиња. По интервенција на екипа на Територијалната противпожарна единица Гевгелија пожарот бил изгаснат, а увид на местото извршила екипа од Дирекција за заштита и спасување и Полициска станица Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
