Во шест општини од државата, меѓу кои и во Струмица започнуваат серија активности насочени кон отпорност на заедниците на корупција. Ова вклучува намалување на дискреционите овластувања на властите, зголемување на граѓанската контрола, трансапарентноста и учеството на граѓаните во донесување на одлуките. Станува збор за проектот насловен „Заедници со интегритет“ кој беше презентиран од Кристина Колозива виш програмски офицер во Амбасадата на Швајцарија и Дејвид Сип виш резидентен проектен директор и лидер на тимот
Проектот има за цел да ја зајакне отпорноста на општините кон корупција, да развие и пилотира системи и механизми кои ќе ја подобрат транспарентноста во локалната администрација. Преку овој проект се планира да се зајакнат капацитетите на граѓанското општество, медиумите и приватниот сектор за подобро следење на процесите на донесување одлуки и испорачување на услуги на локално ниво.
Проектот ќе има два насоки, работа со самите оптштини, да им се помогне да ги зајакнат антикорупциските системи. Вториот, вклучува работа со граѓанските организации и медиумите, за зајакнување на нивниот систем и да можат да учествуваат во работата на општината и да вршат подобар надзор над системот. Намерата е зајакнување на капацитетите на институциите и на граѓаните, да препознаат и да се борат против корупција.
Локалните медиуми во рамките на овој проект, ќе добијат обука за истражувачко новинарство, а ќе бидат поддржана изработка на истражувања, кои се однесуваат на работењето на општината.
Овој циклус ќе опфаќа период од четири години, а покрај Струмица, во оваа прва фаза се вклучени и Штип, Битола, Боговиње, Гази Баба и Куманово. Целата програма, која опфаќа период од 10 години чини 10 милиони швајцарски франци а ќе го имплементира НДИ – Националниот демократски институт. (М.К)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
