МВР ја објави ранг-листата од 310 примени ученици во Средното полициско училиште „7-ми Мај“ во Скопје. Учениците кои се најдоа на листата на примени кандидати на 1 септември 2026 година во 10:00 часот треба да се јават во Полициската академија на МВР во Идризово, заедно со еден родител, старател за потпишување на договорот за школување. Планирано е учениците во Академијата да престојуваат до 4 септември до 15:00 часот. Поради интернатското сместување, потребно е да понесат облека, спортска опрема и средства за лична хигиена, но без вредни лични предмети.
Иако првично беше предвиден прием на 200 ученици, по направените анализи и консултации, како и по обезбедувањето на потребните финансиски средства, Владата донела одлука да бидат примени сите кандидати кои ги исполнуваат условите.
„Вкупната бројка на кандидати кои ги поминаа елиминационите критериуми поврзани со образованието, потребните оценки, поведението, физичките и здравствените карактеристики е околу 300 деца. Направивме детална анализа дали ќе можеме да ги примиме сите, разговаравме со Министерството за финансии и Владата донесе одлука дека ќе можеме да ги примиме сите. Навистина ќе беше жално да испуштиме кое било од тие деца кои ги исполниле условите“, истакна министерот за внатрешни Панче Тошковски.
Од Југоистокот примени се 29 кандидати. По 6 од општините Струмица и Радовиш, 5 од Василево, 4 од Валандово по 2 кандидати од Гевгелија, Конче и Ново Село и по 1 кандидат од општините Босилово и Богданци. Од примените 29 кандидати – 12 се девојчиња.
Конечната ранг листа може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
