Советот на општина Василево донесе одлука за сопствено учество на општината за реализација на проектот за регулација на канал во с. Градашорци. Вкупниот буџет за регулација на каналот во Градошорци, за кој општината има изготвено техничка документација, изнесува околу 8 700 000 денари но општината ги нема сите средства па аплицираше во Министертвото за животна средина. Согласно апликацијата општина Василево ќе учествуа со 3 035 622 денари што изнесува 35% од вредноста на проектот и бара остатотко да го финансира Министерството за животна средина односно да додели 5 637 584 денари или 65% од вкупната планирана сума.
„Од страна на Министерстото за животна средина и просторно планирање имаше повик на кој општините можеа да аплицираат со проекти во делот на регулација на водотеци заради заштита од штетно дејство на вода. Ние како општина имаме техничка документација за уредување на канал во населено место Градашорци и затоа на овој повик ќе учествуваме со таа техничка документација“, рече градоначалникот на општина Василево, Марјан Јанев во образложението што го даде на седницата, притоа потенцирајќи дека кофинансирањето ги зголемува шансите на општината апликацијата да добие средства од МЖСПП за реализација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
