Џио Струмица со Пирин Разлог во Бугарија, ја темпира формата за мечот со Вардар на 9 ти декември

855

Актуелниот шампион Џио Струмица овие денови престојува во Разлог – Бугарија каде ќе одигра пријателски мечеви со тамошниот одбојкарски тим Пирин. Станува збор за одбојкарски клуб со кои струмичани имаат одлични врски и долги години соработуваат. Гостувањето на струмичкиот одбојкарски прволигаш е под покровителство на градоначалникот на Разлог Красимир Герчев

Пријателските мечеви со Пирин од Разлог треба да бидат во функција на темпирање на формата на струмичките одбојкари за дербито со Вардар од Скопје кој стана лидер во прволигашкиот шампионат откако струмичани не освоија цел плен на гостувањето во Тетово. Струмичани зад Вардар заостануваат само бод но со победа во дербито повторно ќе станаат лидери во одбојкарскиот шампионат на Македонија. Дерби мечот со Вардар е на 9 ти декември во салата Парк во Струмица

Џио Струмица со Пирин од Разлог играа на меморијалниот турнир посветен на Горан Панов – Близнако и тоа во финалето каде победа забележа бугарскиот состав со 3:0. После сениорите како што информираа од ОК Џио Струмица  ќе следуват гостувања и на младите категории на струмичкиот прволигаш. Во денешниот пријателски меч во Разлог, струмичани претрпеа пораз од 3:0 во сетови

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.