Џио Струмица се засили со тројца одбојкари – репрезентативци за одбрана на двојната круна од минатата сезона

1922

ОК Џио Струмица за пролетниот дел од првенството се засили. Како што дознаваме во редовите на актуелниот шампион дојдоа тројца одбојкари со кои струмичани ќе се обидат да се вратат на лидерската позиција и ја одбранат двојната круна од минатата сезона. Станува збор за двајцата репрезентативци од Пробиштип – Иван Андонов и Филип Николоски кои се универзални играчи и младиот и надежен одбојкар блокер Стефан Алексов од Штип

Тројцата одбојкари веќе се во Струмица и дел од сениорскиот тим, кој од 15 јануари ги започна пдоготовките за пролетната полуетапа. Стратегот Кире Ричлиев за Дрнка.Мк вели дека со овие нови имиња значитено се подобрува конкурентноста на сите позиции во редовите на Џио, кој лесно нема да се предаде од трката за одбрана на Шампионската и Куп титулата. Андонов, Николоски и Алексов заедно со остантите одбојкари интензивно тренираат за вклопување во составот на струмичани.

Според информациите од стратегот Кире Ричлиев до стартот на пролетниот дел на 14 февруари, Џио Струмица закажа и пријателски мечеви со Разлог и Дупница во Бугарија а не е исклучена можноста и за возвратни мечеви во спортската сала Парк. Џио Струмица есенскиот дел го заврши на второто место веднаш зад Вардар кој ова сезона се наметнува како сериозен кандидат за двојната титула. Осетно се засили и Универзитет Тетово кој исто така најавува атака на една од двете титули.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.