Ќе се тампонираат полски патишта во општините Богданци, Босилово, Василево и Струмица – струмичка фирма го доби тендерот !

1183

Преку Центарот за развој на Југоисточниот плански регион, во наредниот период ќе се санираат и тампонираат полски патишта во општините Богданци, Босилово, Василево и Ангелци.  Станува збор за четири патишта во должина од околу четири километри кои ќе се тампонираат со дробен камен и шљунак од природен речен матријал со пари кои Центарот ги обезбеди од Министерството за земјоделство шумарство и водостопанство.

Патиштата ќе ги тампонира струмичкaта фирма Пешо Инженеринг за околу 40 илјади евра . Таа го доби тендерот во конкуренција на 7 фирми кои се јавија на распишаната јавна набавка. Пешо Инженеринг треба работите на терен да ги завршо во рок од четири месеци откако ќе биде воведен во работа.

Во Богданци ќе се врши санација на полскиот пат на КП 9050 кај Стојаково во месноста викана ,,Базелот“ во должина од 739 метри. Во Босилово ќе се тампонира земјоделски пат со должина од 1000 и ширина од 3 метри во атарот на Моноспитово. Во општина Василево ќе се санира полскиот пат од 1 100 метри кој се наоѓа од КП 1834 и дел од КП 916 КО Василево – Широк пат во с. Ангелци  додека во Општина Струмица патот кој излегува од населеното место Просениково кај месните гробишта кон обработливите површини место викано Јасенки (В. Трајков)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.