Југослав Тренчовски назначен за прв тренер на кувајтски Ал-Араби a Томи Пандев тренер на голманите

1848

По една година работа со младите категории на кувајтски Ал-Араби, Југослав Тренчовски од Струмица е назначен за прв тренер на сениорскиот состав на овој клуб кој во својата историја 17 пати бил Шампион. Со назначувањето на функцијата шеф на стручниот штаб, Тренчовски кој лани договорот го продолжи на две години,  за тренер на голманите го ангажираше Томи Пандев кој беше задолжен за чуварите на мрежата на Академија Пандев од Струмица.

Тие од минатата недела веќе работат со фудбалерите на кувајтски Ал-Араби. Поранешниот тренер на “пандевци“ – Тренчовски кажа дека ова е огромен предизвик за него имајки во предвид дека за кусо време ја освои довербата на Кувајтците заради што тој договорот го продолжи за две години.

,,Лани сениорите на Ал-Араби првенството го завршија на третото место и  го освоија Супер купот. Станува збор за тим кој има најголема поддршка во Кувајт а заедно со Кациа и Ал Кувајт се главни фаворити за следната сезона. На 5 септември играме полуфинале од КУПОТ на Азиска лига. Тука се насочени нашите амбици. Инаку Ал-Араби е многу почитуван клуб и преставува голем предизвик за мене и мислам дека ќе имаме голем притисок да се направат добри резултати следната сезона,, изјави за Дрнка.MK Тренчовски кој лани летото замина кај 17 кратниот првак на Кувајт.

Друштво на Тренчовски во амбициите за висок пласман ќе му прави и Томи Пандев кој ќе биде одговорен за голманите на кувајтскиот тим. Југослав кој има по двајца помошници од Тунис и Кувајт сака и помошник тренер од Струмица за што допрва ќе се одлучува.

Ал – Араби во моментов е на подготвки во Тунис каде 21 ден ќе ја темпираат формата за новите предизвици.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.