Фото: За време на полициски час уништена урбана опрема во Гевгелија, полицијата работи на откривање на сторителите

872

Откорнати садници и цвеќиња од жардинерии, демолирани садови за декоративни растенија, уништени палми, расфрлени клупи . Ваква беше сликата утрово во Гевгелија откако синоќа за време на полицискиот час, непознати лица уништувале урбана опрема во сопственост на општината и приватни угостителски објекти. Станува збор за демолирана опрема во централното градско подрачје но и пред судот и општинската зграда во Гевгелија, кои ги изненади и шокираше жителите посебно што на сила е мерката полициски час.

Полицијата потврди дека утрово имало пријава за демолирана опрема во централното градско подрачје во Гевгелија и работат на откривање на сторителите.

,, Утрово од страна на директорот на ЈП Комуналец од Гевгелија е пријавено дека ноќта од страна на непознато лице оштетени се клупите и садниците на градскиот плоштад со тоа што истите се откорната од жардињерии и фрлени на земја. Полициската станица од Гевгелија работи на расветлување на настанот,, информираа од СВР Струмица

Градоначалникот на општина Гевгелија Сашо Поцков утринава побара од надлежните органи на прогонот под итно да преземат мерки за октривање и санкционирање на сторителите на овој вандализам. Припадниците на ОВР-Гевгелија   веднаш извршија увид и во тек е прегледување на снимките од видео-надзорот на одделни угостителски објекти заради откривање и утврдување на идентитетот на сторителите. Во ЈПКД „Комуналец“ нагласуваат дека е предизвикана материјална штета, но, уште во текот на претпладневните часови  извршена е целосна замена и обнова на садниците и засаденото цвеќе во јавните жардинерии.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.