Финалниот турнир од Европската сребрена лига во сала ,,Парк’’ во Струмица, викендов со публика !

978

Владата даде зелено светло да се отворат вратите на спротската сала ,,Парк’’ во Струмица за публика за завршниот турнир од Европската сребрена лига на кој ќе настапат Македонија, Данска, Хрватска и Унгарија. Ова значи дека македонските одбојкари може да ја очекуваат поддршката од публиката во походот за ново финале од ова натпреварување но и освојување на златните одличја. Според донесената одлука, салата Парк може да биде полна до 30 одсто од капацитетот а меѓу пристуните да има минимум растојание од метар и половина

,,Владата го прифати барањето на Одбојкарската федерација на Македонија претстојниот финален турнир од Европската сребрена лига за мажи, кој на 5 и 6 јуни ќе се одржи во Спортската сала „Парк“ во Струмица и на кој ќе учествуваат националните селекции на Северна Македонија, Данска, Хрватска и Унгарија, да се организира со присуство на публика со исполнет капацитет не повеќе од 30%, и со дистанца од 1,5 метри меѓу секој гледач,, стои во информацијата на Владата

Македонија по одличниот настап во Шлагелсе во Данска, во сабота на завршниот турнир со почеток во 17 часот игра против Хрватска и со евентуална победа ќе се бори за златото против подобриот од дуелот меѓу Унгарија и Данска.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.