Струмица следната сезона добива прволигашка кошарка, КК Струмица по вторпат подобар од Шкупи

889

Кошаркарите на Струмица догодина повторно ќе играат прволигашка кошарка откако и во вториот меч против Шкупи славеше победа. Попладнево во Скопје избраниците на Ики Христов и Атанас Цикарски славеа со 104:91 и по втор пат беа подобри од Шкупи со кого се најде во полуфиналето од вторлигашкиот плеј офф.

Имајки во предвид дека двете најдобри екипи од Втора лига се селат во кошаркарската елита тоа значи дека КК Струмица независно од епилогот во финалето против подобриот од Чаир и Вардар, од октомври ова година ќе игра рамо до рамо со најдобрите во македонската кошарка.

Тимот на чие чело беше цела сезона Златко Зетов чекор по чекор ја градеше својата форма. Регуларниот дел од Втората лига го завршија на 7 место но најдоброто го чуваа за финишот. Составот го превзеде Ики Христов и во четвртфиналето  се сретнаа со второпласираниот од Втората лига Соколи од Штип кој го добија со 2:1 во победи. Откако го добија штипскиот состав без проблеми го добија и Шкупи прво на домашен терен а потоа и на гостински и на Струмица и донесоа прволигашка кошарка по пауза од четири години

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.