Со европски пари Ново Село ќе набавува мобилна амбуланта за давање здравствени услуги на оддалечени места

703

Со цел да се развијат и подобрат услугите од примарната задравствена заштита во руралниот прекуграничен регион, општина Ново Село и Младинското здружение ,,Феникс’’ ги почнаа работите за имплементација на проектот ,, Мрежа за примарна здравствена заштита’’ со кој ќе се набави мобилна амбуланта  која ќе нуди услуги на лица од оддалечени места и кои имат тежок пристап до здравствените установи во регионот. Станува збро за проект финансиран со средства од Програмата за прекугранична соработка меѓу Грција и Македонија, кој Општина Ново Село и Здружението ,,Феникс’’ го работат со општина Ираклеа и Центарот за научно истражување ,,Демокритос’’ од грчка страна.

Деновиве согласно препораките за заштита од ковид-19, во организација на Младинското здружение ,,Феникс’’ од Ново Село  се одржа состанок за координација на сите активности од проектот при што, онлајн беа вклучени и партнерите од Грција кои дадоа поддршка за имплементација на сите предвидени програмски активности.

Проектот предвидува набавка на мобилна амбуланта со медицинска и ИТ опрема која ќе пружа здравствени услуги директно на граѓаните во нивните населените места со акцент на рана дијагноза и превенција од несакани болести. Со реализацијата на овој проект се очекува граѓаните од овој прекуграничен регион имаат еднакви можности и и да не бидат дискриминирани на правото за примарни здравствени услуги од страна на локалната власт и здравствените организации во областа. Овие услуги  ќе бидат достапни за вкупно 32.712 граѓани, од кои 11.567 се жители на Општина Ново Село

,,Мобилната амбуланта ќе биде опремено со медицинска опрема, ИТ опрема и шесто-член кадар (два доктора, медицинска сестра, социјален работник, ИТ експерт и возач). Мобилната амбуланта ќе се движи низ општината, во руралните средини и ќе пружа примарни здравствени услуги. Медицинската опрема ќе вклучува апарат за мерење крвен притисок, спирометар (мерење на волумен на белите дробови), инструменти за мерење на шеќер, триглицериди, и холестерол во крвта, оксиметар (мерење на ниво на кислород во крвта), два типа на ЕКГ, ЕХО ултразвук и др. Медицинскиот персонал ќе врши различни видови прегледи, дијагнози и сл.  и истите ќе бидат бесплатни за граѓаните,, стои во објавата на општина Ново Село

Целиот проект тежи околу милион и 80 илјади евра од  кои за македонските партнери се предвидени 413 илјади евра. По завршување на проектот, мобилната амбуланта и опремата ќе бидат ставени во функција на јавното здравје каде ќе продолжат да даваат услуги на регионално ниво

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.