Пратеникот од ЗНАМ Миле Цеков кој потекнува од Струмица, достави четири амандмани на Предлог Буџетот на државата за идната 2025 година. Тој со амандманите бара да се обезбедат средства од државата за подобрување на патната инфраструктура во Југоистокот како клучен сегмент за ефикасно поврзување на општините од овој дел на државата но и за брз проток на стоки услуги а со тоа и економски развој на Југоистокот кој граничи со Бугарија и Грција.
Цеков со амандман бара да се обезбедат околу 15 милиони денари за изработка на проектна документација за изградба на експресен пат од Радовиш до Владевци како надоградба на магистралниот пат М6 Штип – Струмица.
Со вториот амандман тој бара државата да обезбеди околу две милијарди денари за изградба на експресен пат од граничниот премин Ново Село до Струмица преку Моноспитово, Свидовица, Куклиш. Според него, изградбата на ова делница е предвидено во веќе постоечкиот проект за експресен пат кој ќе го поврзува Коридорот 10 од Смоквица преку Валандово до Струмица до граничниот премин Ново Село. Наведено е дека има изработена проектна документација а за ова делница се потребни окоу 33 милиони евра.
Со останатите два, пратеникот Миле Цеков бара да се обезбедат средства за рехабилитација на патот од Костурино до Валандово односно делницата Валандовско брдо додека со последниот да се размислува за иработка на проектна документација за изградба на ексрпесен пат од Владевци преку Василево Пиперево кој би требало да излезе межу Струмица и Дабиле и да се поврзе пред Куклиш
Овие амандмани не го поминаа филтерот на комисијата за финансирање и буџет но останува на пленарна седница да добијат зелено светло за да Југоистокто има подобра патна инфрастурктура
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
