Пандевци ги почнаа подготовките за новата сезона, ќе имаат четири силни контролки за вториот излез во Европа (ФОТО)

1048

Фудбалерите на Академија Пандев ги започнаа подготовките за новата  сезона во која по втор пат ќе излегуваат на европска сцена. Денеска беа во Фитнес Арена каде се загреваа со неколку базични вежби а попладнево беа на СРЦ Пандев. Првите две недели подготовките ќе ги реализираат во Струмица а веќе од 19 јуни заминуваат за Банско Бугарија. На првата прозвика не беа сите фудбалери. Недостасуваа неколку младинци кои се на силен меѓународен турнир во Златибор, Маронг ќе им се приклучи веќе од утре а овие наредните денови се очекува да се приклучат и неколку засилувања кои ќе дојдат на проба

Од таборот на ФК Академија Пандев заминаа Бихорац, Секулиќ, Мартинага, Бакр но овие денови ќе се знае дали евентуално ќе заминат и други фудбалери и кои би дошле на проба за следната првенствена сезона. Веќе на проба е Мака Гакоу од Франција 22 годишен лев бек 22 кој беше дел од младинската школа на Ле Авр. Како што не информираше  стратегот Ѓорѓи Стојчев во моментов се преговара со околу 6 играчи на секоја линија со двајца дефанзивци, двајца играчи од средниот ред но и со напаѓачи.

,, Според планот во Струмица сме до 19 јуни. Пред да заминеме за Банско Бугарија на 17 во Скопје ќе играме со косовскиот шампион Балкани кој ќе биде на подготовки во Струга. На 21 јуни ќе играме со Черно море во Бугарија, на 25 со Левски во Софија и последниот натпревар со ЦСКА 1948. Мислам дека ќе бидеме максимално подготвени за првиот меч од Европската конферациска лига на 7 јули. Целта на Академија Пандев ни е да го поминеме првото квалификациско коло од  Европската конференциска лига и да испишеме историја,, ни изјави Стојчев

Академија Пандев последната првенствена сезона ја завршија како вицешампиони. Обезбедија нов излез во фудбалска Европа. Деновиве треба да се знае кој ќе биде противникот на пандевци во првото квалификациско коло од УЕФА конференциската лига 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.