Општина Дојран ќе ги презентира убавините, кујната и сместувачките капацитети на саем во Белград

627

Општина Дојран во соработка со Агенцијата за туризам ќе се престави на саемот за туризам кој ќе се одржи во Белград Србија во периодот од 24 до 27 март. Станува збор за еден од најпосетуваните и најпрестижни туристички саеми на Балканот каде се преставуваат повеќе туристички места но и агенции со своите понуди.

Од таа причина денеска е остварена средба со сите чинители кои се креатори на туристичката понуда на Дојран за да се утврдат деталите за поуспешно и поатрактивно преставување на Дојран како посакувана туристичка дестинација со цел поголем прилив на странски туристи во ова место

,, Во следниот период ќе се организираат средби со приватните сместувачки капацитети, кои ќе имаат можност да ги достават нивните промотивни материјали за саемот Несомнено е дека Србија претставува значаен туристички пазар пред кого треба добро да се претставиме, не само поради српските транзитни туристи кои од година во година ги имаме се повеќе, туку и поради фактот што Дојран станува примамлива дестинација за нив и за подолг престој, одмор и релаксација.  Во текот на саемските денови, планирана е и организација на традиционална дојранска вечер, каде ќе понудиме дојрански специјалитети од риба, икра, маслинки, слатко од смокви и сето тоа зачинето со веќе препознатливата дојранска музика,, објави градоначалникот на Дојран Анго Ангов

Инаку општина Дојран веќе има подготовено голем број презентациии, видео спотови, фотографии и брошури за да биде впечатлив штандот  на туристичкито саем во Белград

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.