Нов позитивен случај на ковид-19 во Струмица, во последните 24 часа 176 новозаразени а починаа 9 пациенти во земјава

1294

Девет пациенти починаа, а дијагностицирани се 176 нови случаи на КОВИД-19 од направени 870 тестирања, соопшти Министерството за здравство. Од новозаразените во Скопје се 61, Тетово 22, Струга 19, Куманово 8, Дебар 1, Штип 14, Прилеп 5, Велес 5, Битола 3, Охрид 14, Гостивар 7, Струмица 1, Кочани 2, Пробиштип 1, Демир Хисар 1, Пехчево 1, Кичево 6 и Ресен 5.

Како што инфомираа од Центарот за јавно здравје од Струмица, станува збор за жена на возраст од 60 години од Струмица која е поврзана со веќе познат кластер со  позитивен случај.

Починатите се од Скопје седум пациенти и по  еден од Тетово и  Струга.Денеска Институтот за јавно здравје регистрира 80 оздравени пациенти.

Од почетокот на епидемијата вкупната бројка на ковид дијагностицирани во нашата земја изнесува 6.080, бројката на оздравени пациенти е 2.315, на починати е 286, а во моментов бројот на активни случаи во земјата изнесува 3.479.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.