Новиот претседател Стево Пендаровски славеше во пет општини во Југоистокот

1737

Новиот претседател Стево Пендаровски кандидат на СДСМ, во Југоистокот забележа победа во пет од вкупно десет општини при што доби 41 207 гласа  додека кандидатот на ВМРО ДПМНЕ Гордана Силјановска-Давкова доби 40 022 гласа од овој дел на државата

Пендаровски славеше во Струмица, Радовиш, Конче, Богданци и во Дојран додека Силјановска-Давкова славеше во Гевгелија, Валандово, Ново Село, Босилово и Василево.

Во  Струмица Пендаровски славеше со околу 2940 гласа разлика во однос на Силјановска Давкова, во Радовиш само со 26, во Конче со разлика од 200 гласа , во Богданци со 120 а во општина  Дојран со 42 гласа во однос на противкандидатот од ВМРО ДПМНЕ Силјановска-Давкова

Силјановска Давкова забележа победа во општините Гевгелија со разлика  640 гласа, во Валандово 370, во Ново Село 620, Босилово 470 а во Василево кандидатот на ВМРО ДПМНЕ во однос на кандидатот од СДСМ Стево Пендаровски имаше разлика од само 30 тина гласа

Анализирајки ги податоците од ДИК на ниво на Југоистокот во 10 те општини се преброени вкупно 2 665 неважечки ливчиња. Најголема излезност во вториот круг од Претседателските избори имаше во Гевгелија дури 69 одсто а најслаба во Радовиш 48,2 одсто.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.