На ГП Табановце откриени 4 комбиња од Струмица кои вршеле меѓународен превоз на патници без документација

487

Викендов полициски службеници од Полициската станица за Граничен премин Табановце при Регионалниот центар за гранични работи Север извршиле контрола на  патнички возила – комбиња и автобуси кои вршеле меѓународен превоз на патници, при што е контстатирано дека четири комбиња со струмички регистарски ознаки вршеле меѓународен превоз на патници без поседување соодветна документација за таа намена, соопшти МВР

Како што стои во информацијата на МВР станува збро за возила: „мерцедес спринтер“, управувано од В.Т.(25) од Струмица, „мерцедес спринтер“, управувано од В.Н.(24) од Струмица, „цитроен“, управувано од С.С.(36) од Струмица и „мерцедес спринтер“, управувано од Г.Г.(32) од Струмица. Сите тие при контролата не поседувале документи за меѓународен превоз на патници

Според МВР за време на викендот откриени се и пет автобуси кои исто така вршеле меѓународен превоз на патници без соодветна документација Станува збор за автобус со тетовски регистарски ознаки управуван од Г.К.(42) од с.Требош, автобус со струшки регистарски ознаки, управуван од Д.Р.(57) од с.Ливада, струшко, во автобус со кочански регистарски ознаки, управуван од Ф.О.(43) од Струмица и Д.В.(39) од с.Трсино, виничко, автобус со тетовски регистарски ознаки, управуван од Е.С.(55) од Тетово и С.А.(48) од Тетово и автобус со гостиварски регистарски ознаки, управуван од Н.З(28) од Гостивар

Од страна на Државниот инспекторат за транспорт изречени се соодветни санкции за возачите и возилата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.