КМФ Проект не успеа да се пласира во главната фаза од Лигата на шампиони, Луксол од Малта пресилен

102

Валандовски КМФ Проект од Јосифово не успеа да обезбеди пласман во главната фаза од Лигата на шампиони. Во спортската сала ,,26 ти Април’’ во Гевгелија претрпе пораз од Луксол Сент Ендрјус од Малта со 5:0 со што ги заврши настапите во Лигата на шампионите.

Малтешкиот тим составен од бразилци, грузиец и  голман од Норвешка доминираше на теренот додека македонскиот првак се обидуваше да ги искористи тешко изградените шанси но не можеше да го најде вистинското решение. Дебитантот во Лигата на шампиони не успеа ниту како најдобра второпласирана екипа од  групите да се најде во следната фаза

Малтешкиот Лусколо со три победи го освоија првото место во групата  А и обезбедија пласман во следната фаза. КФМ Проект во групата успеа да ги совлада израелски Делфин Ашдод со 6-0, додека потоа триумфираше против Цефин Друидс со 8-1.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.