Ексклузивно: Александар Таневски ќе ги предводи ,,пандевци’’ до крајот на сезоната, тимот го превзема од четврток

1576

Екипата на Академија Пандев после утрешниот реванш Куп натпревар со Шкупи на стадионот Благој Истатов, ќе ја предводи Александар Таневски дознава Дрнка.МК.  Според нашите информации Таневски и раководството на Академијата доцна попладнево постигнале договор, тој да ја превзеде функцијата шеф на стручниот штаб на ,,пандевци’’ и веќе од четврток  да работи со првиот тим, кој следното колу му гостува на Работнички во Скопје.

Таневски доаѓа во Академијата на Горан Пандев откако во неделата Југослав Тренчовски превзеде одговорност и си поднесе оставка за серијата лоши резултати. Станува збор за млад тренер кој минатата година ја предводеше Македонија ЃП и беше противник на Академијата во КУП финалето во Скопје и обезбеди пласман за лавовите на европската сцена.

Како што објави Дрнка.Мк утре Академија Пандев ќе ја предвои Тони Атанасов. Станува збор за реваш меч од четвртфиналето од Купот со Шкупи. По првиот дуел струмичани имаат предност од 1:0 и се на добар пат да обезбедат полуфинале од Купот

Академија Пандев во првенството од октомври минатата година нема забележано победа. Таневски тимот ќе го превзеде од петатат позиција на прволигашката табела каде има вкупно 28 бода или седум победи, седум пораза и седум нерешени исходи.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.