Девет проекти предложија граѓаните на Југоистокот за финансирање од Швајцарската амбасада

173

Граѓаните од Југоистокот предложија дури девет концепти како предлог проекти за финансирање од Швајцарската агенција за развој и сорботка и министерството за локална самоуправа преку проектот „Одржлив и инклузивен рамномерен регионален развој“ . Деветте концепти произлегоа од вториот регионален форум на кој граѓани, преставници од институции и од граѓанскиот и бизнис сектор, детектираа и дебатираа што му е потребно на Југоистокот а за што швајцарската амбасада  ќе додели 90 илјади швацарски франци

Учесниците на вториот регионален Форум понудија и посакаа подобрување на пристапот и уредување на туристичките локалитети, поставување метеостаници за заштита на земјоделските култури и животната средина, искористување на обновливите извори енергија како биопелети, отворање бизнис инкубатори. За овие предлог-проекти и останатите повторно ќе се дебатира, пред да се одлучи кој од нив да им биде предложен на Швајцарците. Со таков принцип ќе се одлучува и во останатите седум плански региони

„За овој проект имаме обезбедено околу 840.000 швајцарски франци, од кои 90.000 за југоисточниот плански регион. Швајцарската амбасада и Министерството за локалнa самоуправа поттикнуваат идеи од самите граѓани, бидејќи тие најдобро знаат што е најдобро за еден регион. Проектите кои ќе ги финансираме можат да бидат за инвестиции, животна средина, социјална инклузија, туризам и за бизнис инфраструктура“, истакна Марија Караева од Швајцарската агенција.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.