Во општина Конче ќе се менува уличното, ќе се инсталираат Лед светилки и светилки на соларна енергија

1668

Идниот месец во општина Конче ќе отпочне постапката за поставување ново улично осветлување со Лед светилки а ќе бидат поставени и нови светилки на соларна енергија. Првиот човек на Конче, Благој Илиев го потпиша договорот со ,,Алтеа Инжинеринг” и ,,Декан Ком” од Скопје кои ќе треба да извршат промена на сите сијалици во ова општина, да инсталираат нови но и да ја прошират мрежата за дополнителни 1000 метри со што сите  населените места ќе добијат квалитетно  улично осветлување.

,, Станува збор за проектот ,,Инсталација на Лед светилки и улично и парковско осветлување на општината. Со овој проект опфатени се промена на сите досегашни 341 живени сијалици со нови ЛЕД светилки. Паралелно ќе бидат поставени и нови 39 Лед светилки на потребните локации што значи  дека ќе ја прошириме и мрежата за дополнително илјада метри. Се планира и на пофрекфентните места односно на главните улици и каде имаме јавни зелени површини да бидат поставени и 40 улични Лед светилки на соларна енергија. Станува збор за проект со кој ги подобруваме условите за живот на нашите граѓани а че придонесеме и кон заштеди Буџетот и заштита на животната средина,, вели градоначалникот на Конче Благој Илиев

Замената на уличното осветлување во општина Конче ќе чини околу 3 милиони 958 илјади денари а во првите години договорените странки ќе бидат задолжени за одржување на уличното осветлување. Со инсталирањето на Лед светилките и светилките на соларна енергија во ова општина се очекува да се направат заштеди по овој основ но и поквалитетно улично осветлување како во Конче така и во населените места во ова општина што беше и прироритет на првиот човек Благој Илиев.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.