Во групата што криумчареле мигранти и жители од Богородица, Ново Конско, Богданци, Селемли, Јосифово и Марвинци, МВР им поднесе кривични (видео)

5738

МВР сузби организирана група за криумчарење мигранти во која учествувале и лица од гевгелиските населени места Богородица и Ново Конско, валандовските Јосифово и Марвинци но и од Богданци и населното место Селемли од ова општина. Како што соопшти МВР, тие заедно со уште шест други лица меѓу кои полициски службеник и кандидат за полициски службеник, од март па до октомври годинава организирале криумчарење на 400 мигранти од повеќе држави кои биле во Грција при што се стекнале со противправна имотна корист од околу 150.000 до 200.000 евра

Според Тони Ангеловски портпарол на МВР мигрантите од Грција преку т.н. „зелена граница“ во околината на Гевгелија и Дојран, со помош на водичи биле носени на претходно утврдени и договорени локации од каде членовите на групата, ги прифаќале со патнички и товарни возила и ги превезувале до локации во близина на с.Марвинци, с.Фурка, Богданци, Удово и Демир Капија.

Оттаму се вршело прифаќање и превезување на мигрантите до однапред договорени локации на автопатот Куманово – ГП „Табановце“, од каде биле прифаќани од други лица-нивни криминални соработници и носени во кумановските села Ваксинце и Лојане, каде биле времено сместувани .

,,При реализацијата на оваа криминалистичка истрага претреси беа извршени во вкупно 12 објекти во Скопје, Гевгелија и Валандово, а лишени од слобода беа вкупно девет лица. Едно лице веќе е во затворот „Скопје“, едно лице во КПУ „Идризово“, а едно лице е во затвор во Србија“, соопшти Ангеловски.

МВР до Јавното обвинтелство поднесе кривична пријава против 14 лица и тоа едно лице кое е со привремен престој на територија на Р.Грција, М.С.(45) од с.Богородица, Гевгелија, И.Ѓ.(20) од с.Ново Конско, Ќ.А.(28) од Арачиново, Н.М.(35) од Арачиново, Б.Г.(24) од с.Марвинци, И.Ѓ.(49) од с.Ново Конско, Б.Р.(28) од Арачиново, Љ.А.(26) од Арачиново, Х.А. (27) од с.Арачиново, .П.(27) од с.Богородица, С.К.(23) од с.Селемли, Ф.А.(32) од с.Јосифово и Д. М.(22) од Богданци, заради постоење на основано сомнение сториле кривични дела: „Организирање на група и потикнување на извршување на делата трговија со луѓе, трговија со дете и криумчарење на мигранти“ , „Криумчарење на мигранти“  и „помагање“ во врска со истото кривично дело.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.