Општина Богданци ги објави јавните повици за финансирање на културни и спортски активности од Буџетот за 2020 година

348

Општина Богданци ги објави јавните повици за здруженија на граѓани, спортски здруженија и правни лица од областа на културата и спортот кои дејствуваат на територијата на општина да се пријават доколку сакаат финансирање на своите културни и спортски активности од Буџетот на општината за идната година.

Според објавениот повик за финансирање на културните активности, право на учество имаат здруженија и правни лица кои работат на збогатување на културниот живот во општината, придонесуваат за зачувување и афирмирање на материјалното и духовното културно наследство на општина Богданци, поттикнуваат и и афирмираат културното творештво  на младите уметници, обезбедуваат континуитет на традиционалните културно уметнички манифестации кои се од локален карактер и се грижат за усовршување на стручмни кадри

Според објавениот повик пак за финансирање на спортските активности, спортските здруженија и другите правни лица требa е да го поттикнуваат и унапредуваат соодветниот спорт, да го организираат и спроведуваат системот на натпревари, да се грижат за унапредување и усовршување на стручните кадри и да се грижат за унапредување на младите категории.

Заинтересираните  до општина Богданци, најдоцна до 24 октомври, со пријавата треба да достават документација од извршена регистрација на субјектот (Копија), годишна програма за работа за 2020 година но и извештај за потрошените средства добиени од Општина Богданци за 2019 година (до денот на поднесување на пријавата);

Пријавата со целокупната документација треба да се достави во архивата на општина Богданци или преку пошта на адреса: Општина Богданци, ул.„Маршал Тито“ бр.62  со назнака „за финансирање на активности од областа на културата за 2020 година“ или со  назнака „за финансирање на активности од областа на спортот за 2020 година“.       

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.