Автомобилиситете од Стојаково Шуклев и Николов го развиорија македонското знаме на Кинескиот ѕид во Пекинг иако тамошните власти не им дозволија со реставрираното возило ,,Рено 4” да влезат во ова држава што беше примарна цел на возачакиот тандем. Тргнаа на 29 јуни од центарот на Стојаково и конечно стасаа во Пекинг и Кинескиот ѕид каде сакаа да го паркираат возилото старо 41 година. Возеа преку Србија, Унгарија, Украина, Русија и Монголија од каде заради забраната мораа со авион да стасат во Кина’
,,По 20 дена возење и изминати 11000 километри со Рено 4 и 800 километри со Боинг 737 успеавме! Стојаково и Македонија на нозе, Кина на колена! Битката на Кинеската граница ја загубивме ама војната ја добивме,, објавија на својата фан страна двајцата авантуристи кои упатија голема благодарност до нивниот тим во импровизираното студио во кафе бар Икс во Стојаково, кој бил деноноќно со нив и им давал точни информации по патот.
,,Сакаме да упатиме голема благодарност и до сите спонзори без кои оваа мисија немаше да биде возможна, благодарност и до министерот Димитров, тимот професионалци од МНР како и вршителот на должноста Амбасадор на Македонија во Кина, нејзината екселенција, г-ѓа Зорица Ташковска без кои влезот во Кина нема да беше возможен,, напиша тандемот на ФБ
Нивното возило Рено 4 е на аеродромот во Улаанбаатор во Монголија каде утре го започнуваат патот кон Македонија. Уште 11000 километри полни неизвесност, друмски патишта и дружба со нашето Рено тврдат Шуклев и Николов кои објавија фотографија со познатата изрека на Мао Це Тунг: “Не си херој ако не си го видел Кинескиот зид” – Ние успеавме да го видиме, и тоа на херојски начин!
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
