Македонскиот одбојкарски репрезентативец, струмичанецот Стојан Илиев од Ново Коњарево од општина Ново Село, од скопски Вардар се сели во хрватскиот тим Мурса од Осијек. Тој за Хрватска заминува на Водици каде ќе се приклучи на тимот за подготовките за пролетниот дел од хрватскиот шампионат каде со новиот тим ќе атакува на титула. Илиев за Дрнка.МК потврди дека заминува за Хрватска каде ќе биде четири месеци на позицијата примач во обидот Мурса да стане нов одбојкарски Шампион на Хрватска
,,За мене ова е прво интернационално искуство. Одам во клуб кој е на врвот во хрватската Суперлига и се бори за титула. Во моментов Мурса е лидер на табеалта. Јас ќе го дадам својот максимум за екипата и се надевам дека ке биде едно позитивно искуство во мојата кариера,, ни изјави младиот Стојан Илиев
Илиев минатата сезона настапуваше за Вардар каде беше еден од најефикасните играч. Тој претходно беше во струмичкиот одбојкарски тим Џио Струмица каде покажа одлични партии. Тој е член и на македонската одбојкарска репрезентација а својата интернационална кариера ја почнува од Хрватска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
