Riversoft се откажа од половина милион денари за украсувањето на Струмица, побара општината да ги донира за хумани цели

4940

Компанијата ,,Riversoft” кој го доби тендерот за новогодишно украсување на Струмица во висина од 700 илјади денари се откажува од 500 илјади денари и побара општинските власти да ги донираат за хуманитарни цели. Ова на својот фб го објави сопственикот на компанијата Тони Костов на ова се одлучиле имајки во предвид дека претходно општина Струмица еден милион денари од средствата за таа намена ги додели на струмичката болница

,,Водејки се и подржувајќи ја претходната одлука на Градоначалникот на Општина Струмица да се донира 1 милион денари во Општа Болница во Струмица и да се направи еден хуман гест, а притоа градот повторно да биде украсен дојдовме до одлука и до идеја и ние како компанија да дадеме подршка на хуманиот гест. Затоа драѓи сограѓани , Градоначалник на Општина Струмица, Совет на Општина Струмица апелирам до Вас да направите пренамена на преостанатите 500 000ден. Од буџетот за Новогодишното украсување на градот Струмица и да ги пренамените за хуманитарни цели во интерес на граѓаните на Општина Струмица. Сите јавни и приватни компании, како и невладини организации и волонтери ги повикувам да се вклучат во украсувањето на градот со свој допринос,, стои во објавата на ФБ на сопственикот на Риверсофт Тони Костов кој најави дека како компанија ќе се потрудат градот Струмица и годинава да добие новогодишен изглед

,,Можеби некој ќе не критикува , можеби некој ке не фали, но доколку сите заеднички правиме мали а добри дела, тоа значи дека сите заеднички ќе ги уживаме благодетите на градот Струмица. Драги мои сограѓани нека ова биде честитка од нашата компанија до сите Вас и оваа тмурна и себична година да ја оставиме позади нас а да ја дочекаме новата со повеќе, љубов , мир и благосостојба. За многу години да е празникот на градот Струмица’’ напиша Костов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.