KK Струмица славеше на дербито во Скопје против Феникс со звукот на сирената и го осигури второто место во источното друштво

507

Одличното второ полувреме и присебноста на Абрашев во последната секунда им донесоа победа на кошаркарите на Струмица на тешкото гостување во Скопје во дерби натпреварот со Феникс. Момците на Зетов, Цикарски и Настев забележаа тешка победа со 80:78 со која струмичани го осигураа второто место во Втората лига Исток од која повеќе од сигурно е дека ќе ги продолжат мечевите во плеј офот за пласман во Супер лигата

Струмичани без повредениот Динев и отсутните Николов и Пелтековски лошо го почнале мечот. Домашниот Феникс со одлична игра успеал на првото полувреме да замине со 11 поени предност (44:33) Во третиот период струмичани ја ,, стегнале’’ играта и успеале да го добијат со (17:10) при што ја анулирале  предноста на домакините.

Во последните 10 минути кои завршија за струмичани со 30:24, вистинска драма и возбудувања на теренот со многу надмудрувања, асистенции, блокови и реализација. На осум секунди до крајот резултатот на семафорот 78:78 а Струмица преку Абрашев со звукот на сирената постигнува кош за конечни 78:80,  за општа радост на струмичкиот второлигаш кој го залечи поразот од ТФТ.

Михајловски со 25 поени бил најефискасен кај КК Струмица, Абрашев уфрлил 22 а Макенаџиев и Божинов по 10 поени. Со ова победа КК Струмица со скор 6:2 е веќе сигурен учесник во Плеј офот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.