,,ChangeMakers4all’’ од Гевгелија утре го блокира булеварот за поддршка на болните од рак !

1875

Со пораката ,,И ти можеш да бидеш пациент’’ здружението ,,ChangeMakers4all ’’ од Гевгелија утре ќе организира петминутна блокада од двете страни на булеварот Гевгелија за поддршка на болните од рак. Блокадата ќе биде под мотото ,,Марш во молк’’ и ќе започне во 15 часот и 05 минути. На блокадата се најавени повеќе болни и излечени од ова болест но и нивни роднини и пријатели

Според Марина Томова последниве години значително е зголемен бројот на пациентите од канцер од Гевгелија кои починале или се лекуваат на скопските клиники. Според неа сите тие, па и нивните најблиски се изложени на дополнителни трошоци а степенот на рано откривање на ова болест во родното место се минимални. Од здружението бараат да се откријат и кои се можните причини за високиот процент на заболувања од ова болест.

,,Заедно лицата заболени од канцер, излечени пациенти, но и нивни пријатели и блиски ќе бараме внимание за поголема поддршка на болните, финансиска поддршка за патување на пациентите до Скопје со придружба и можност за отворање во градот на одделението за Онкологија кое со обучени лица за хемотерапија ќе го покрива регионот на општините Гевгелија, Богданци, Дојран и Валандово’’, напиша претседателката на здружението Марина Томова.

Како што нагласи Томова, една од целите на ,,Маршот во молк“ е и формирање на здружение кое ќе работи на исполнување на потребите и барањата на пациентите со канцер од гевгелиско но и да се откријат причинителите за високиот процент на заболени од ова болест.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.