Седум градежни фирми од Струмица но и од други градови од земјава доставиле понуди по распишната јавна набавка на Општина Струмица за изградба на социјалната населба над градот. Како што не информираа од општината овие денови треба да заврши евалуацијата на понудите во поглед дали заинтересираните фирми ги исполнуваат условите согласно тендерската документација по што ќе биде закажана јавната аукција. Прогнозите се дека идната недела ќе биде аукцијата по што ќе се знае која од фирмтие ќе го добие тендерот вреден 1,5 милиони евра
Станува збор за проектот ,,Изградба на стамбена населба со објекти со намена домување за сместување на социјално загрозени семејства во Струмица прва фаза. Социјалната населба треба да никне на просторот Чамлк над градот. Според објавената тендерска документација таму треба да се изведе сообраќајна инфраструктура, потпорна конструкција, улично осветлување , фекална и атмосферска канализација.
Во април годинава општина Струмица почна со чистење на просторот Чамлк над новите турски гробишта. Станува збро за површина од околу 3,3 хектари на која треба да се подигаат стотина типски куќи во кои ќе се сместат домакинствата кои живеат кај транзитниот пат односно Климент Охридски и социјално загрозени семејства.
Градоначалникот на Струмица Костадин Костадинов тогаш кажа дека со реализацијата на овој проект ќе се реши децениски проблеми со дивоградбите во долното турско маало но и дека ќе бидат обезбедени солидни стамбени објекти за сите и никој нема да остане без покрив над глава
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
