Во изминатите 24 часа се регистрирани 68 нови случаи на КОВИД-19, и вкупната бројка на дијагностицирани пациенти во земјава изнесува 828 лица, објави на Фејсбук министерот за здравство Венко Филипче. Четирисет и еден пациент се излекувани, 34 починаа, а активни случаи се 733.
По градови новите пациенти се од: Скопје 15, Куманово 18, Прилеп 14, Тетово 2, Струга 10, Велес 6, Битола 1, Гостивар 1, Кочани 1. Во изминатото деноноќие направени се 404 теста,. Досега се направени вкупно 8.057 тестирања на коронавирус.
На Инфективната клиника се примени 2 нови пациенти, а вкупно хоспитализирани се 69. Од нив, 18 се на кислородна поддршка, а 8 на респираторна машина.
Во Градската општа болница „8 Септември“ примени се 9 нови пациенти, а вкупно се хоспитализирани 31 пациент, од кои 6 се на респираторна машина.
Во болницата во Битола се хоспитализирани 6 пациенти. Тие се стабилни, а 1 пациент е повремено на кислородна поддршка.
На домашно лекување се следат 8 пациенти со лесна клиничка слика. Во болницата во Штип е хоспитализирани 13 пациенти, а уште 13 се следат на домашно лекување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
