За општина Струмица од распределбата на средствата од ТАВ се предвидени 86,7 милиони денари или 1,4 милиони евра, откако Владата донесе одлука со која ја одобри листата на проекти доставени од локалните самоуправи за финансирање, од парите со кои ТАВ Македонија требаше да го гради карго аеродромот во Штип.
Согласно одлуката, Владата го одобри проектот на општина Струмица за регулација на порој Св. Илија на потег од базна преграда до улив во река Водочница за финансирање, за што општината имаше доставено проектна документација изработена пред две години со средства кои ги додели министерството за животна средина од 1,3 милиони денари.
Инаку ТАВ Македонија ќе ја спроведува целата постапка околу реализацијата на овој проект а евентуалната позитивна разлика меѓу проектираната и изведбената цена ќе биде уплатена на посебна сметка во Генералниот секретаријат на Владата за чистење на линданот во поранешната фабрика Охис во Скопје
„Реализацијата се определува на начин што концесионерот ТАВ Македонија Илинден во својство на изведувач ќе ангажира компании коишто ќе бидат извршители на проектите“, се вели во владината одлука за распределба на околу 50 тина милиони евра од ТАВ Македонија со кои ќе се финансираат 98 проекти по општините во земјава
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
